நாடோடிகள்.. சாதனை மேல் சாதனை!!

சசிகுமார் நடித்து தயாரித்து இயக்கி நடித்து சக்கைப் போடு போட்ட சுப்பிரமணியபுரத்தையே தூக்கிச் சாப்பிட்டுவிட்டது அவர் நாயகனாக மட்டும் நடித்து வெளிவந்துள்ள லேட்டஸ்ட் சென்சேஷன் 'நாடோடிகள்'.

ரசிகர்கள் ஆர்ப்பரிப்பிலும் வசூலிலும் திரையரங்குகள் அதிர்வது ஒருபக்கம் (ஒரு வார கலெக்ஷன் ரூ.4 கோடி என்கிறது கோலிவுட் பாக்ஸ் ஆபீஸ்!!)... இந்த வாரம் மட்டும் 20 கூடுதல் பிரிண்டுகள் போடப்பட்டுள்ளன. 26 திரையரங்குகளில் கூடுதலாகத் திரையிடப்பட்டுள்ளது.

ஆரம்பத்தில் ஒரே ஒரு காட்சியாக மட்டும்தான் இந்தப் படத்தை சத்யம் திரையரங்கில் (அதுவும் சிறிய அரங்கில்) வெளியிட்டனர். படத்தின் வசூலைப் பார்த்ததும், இப்போது பெரிய அரங்கில் கூடுதல் காட்சிகளுடன் கலக்கிக் கொண்டிருக்கிறது நாடோடிகள்.

மறுபக்கம் இந்தப் படத்தின் தெலுங்கு ரீமேக் உரிமை சாதனை விலைக்கு விற்கப்பட்டுள்ளது. இந்தப் படத்தின் தயாரிப்பு செலவை விட அதிகமாம் இதற்குக் கொடுக்கப்பட்டுள்ள விலை என்கிறார்கள் சில தயாரிப்பு நிர்வாகிகள்.

சூப்பர் ஸ்டார் ரஜினிகாந்த்தின் சிவாஜி தெலுங்குப் பதிப்பைத் தயாரித்த பெல்லம்கொண்டா சுரேஷ்தான் இந்தப் படத்தையும் வாங்கியுள்ளார்.

இன்னொன்று நாடோடிகளின் தொலைக்காட்சி உரிமையை ஜீ நிறுவனம் பெற்றுள்ளது. ரூ.1.30 கோடிக்கு பேசி முடித்து, சன் - கலைஞர் தொலைக்காட்சிகளை மலைக்க வைத்துள்ளனர் ஜீ நிறுவனத்தினர்.

எப்பூடி!